কেৰালাত ভয়ংকৰ হত্যাকাণ্ড: থুকুপালামত যুৱকক ৰাজপথতে ছুৰীৰে আঘাট কৰি হত্যা
থুকুপালাম (কেৰালা): কেৰালাৰ ইডুক্কি জিলাৰ নেদুমকাণ্ডমৰ ওচৰৰ থুকুপালাম চহৰত দেওবাৰে বিয়লি এক ভয়ংকৰ হত্যাকাণ্ড সংঘটিত হয়। পাৰিবাৰিক বিবাদৰ বাবে এজন যুৱকক ৰাজপথতে ৰখাই থোৱা অটোৰিক্সাৰ ভিতৰতে ছুৰীৰে উপৰ্যুপৰি আঘাট কৰি হত্যা কৰা হয়।
নিহত যুৱকজনৰ নাম ৰতীশ চন্দ্ৰ নায়াৰ (৩৯) বুলি চিনাক্ত কৰা হৈছে। তেওঁ পেচাত এজন অটোৰিক্সা চালক আছিল। আৰক্ষীৰ সূত্ৰ অনুসৰি, ৰতীশ নিজৰ অটোৰিক্সাত বহি থকা অৱস্থাতে তেওঁৰ আত্মীয় অনুপ বিশ্বনাথন (৪১) নামৰ ব্যক্তিজনে হঠাতে আক্ৰমণ চলায়।
আক্ৰমণৰ কাৰণ: প্ৰাথমিক তদন্তত পোহৰলৈ আহিছে যে দীৰ্ঘদিনীয়া পাৰিবাৰিক বিবাদ আৰু সন্দেহৰ বাবেই এই হত্যাকাণ্ড সংঘটিত হৈছে।
আহত আন দুজন: ৰতীশক বচাবলৈ চেষ্টা কৰোঁতে তেওঁৰ বন্ধু সজল আৰু সৰৎ নামৰ আন দুজন লোকো গুৰুতৰভাৱে আহত হয়। তেওঁলোকক বৰ্তমান চিকিৎসালয়ত ভৰ্তি কৰা হৈছে।
আৰক্ষীৰ পদক্ষেপ:ঘটনাৰ খবৰ পোৱাৰ লগে লগে নেদুমকাণ্ডম আৰক্ষী ঘটনাস্থলীত উপস্থিত হৈ অভিযুক্ত অনুপক গ্ৰেপ্তাৰ কৰে। হত্যাকাৰী অনুপ এজন ৱায়াৰিং মিস্ত্ৰী বুলি জানিব পৰা গৈছে। আৰক্ষীয়ে বৰ্তমান ঘটনাটোৰ অধিক তদন্ত চলাই আছে।
ৰাজপথত সকলোৰে চকুৰ আগত সংঘটিত হোৱা এই ঘটনাই সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰিছে।
মন্তব্যসমূহ
একটি মন্তব্য পোস্ট করুন