টিহুত ভয়ংকৰ পথ দুৰ্ঘটনা: জেচিবি আৰু বাইকৰ মুখামুখি সংঘৰ্ষত তিনি যুৱক গুৰুতৰভাৱে আহত
টিহু, ১৮ মাৰ্চ: ৰাজ্যত দিনক দিনে বৃদ্ধি পোৱা পথ দুৰ্ঘটনাই এতিয়া জনসাধাৰণক শংকিত কৰি তুলিছে। আজি টিহু চকৰ সমীপৰ বেজকুচিত এক মৰ্মান্তিক পথ দুৰ্ঘটনা সংঘটিত হয়। এই দুৰ্ঘটনাত তিনিগৰাকী যুৱক গুৰুতৰভাৱে আহত হয়।
AS-14-U-0970 নম্বৰৰ এখন এপাচি (Apache) বাইকত উঠি তিনিজন যুৱক টিহু চকৰ পৰা পাটাছাৰকুছি অভিমুখে গৈ আছিল। তেনে সময়তে বিপৰীত দিশৰ পৰা অহা এখন জেচিবি (JCB)ৰ সৈতে বাইকখনৰ মুখামুখি সংঘৰ্ষ হয়। সংঘৰ্ষটো ইমানেই শক্তিশালী আছিল যে বাইকখনৰ সন্মুখৰ অংশ সম্পূৰ্ণৰূপে চূৰ্ণ-বিচূৰ্ণ হৈ পৰে।
আহত যুৱকসকল:
এই দুৰ্ঘটনাত আহত হোৱা তিনিগৰাকী যুৱক ক্ৰমে—
১/ প্ৰাঞ্জল কলিতা
২/ কৃষ্ণ দাস
৩/ পিংকু দাস
আহত তিনিওগৰাকী যুৱক টিহু চকৰ নাথকুছি বাসিন্দা বুলি জানিব পৰা গৈছে।
ঘটনা সংঘটিত হোৱাৰ লগে লগে স্থানীয় ৰাইজে উদ্ধাৰ অভিযানত সহায় কৰাৰ লগতে আৰক্ষীক খবৰ দিয়ে। টিহু আৰক্ষীৰ এটা দল তৎকালিনভাৱে ঘটনাস্থলীত উপস্থিত হয় আৰু তেজৰে লুটুৰি-পুতুৰি হৈ থকা অৱস্থাত যুৱক তিনিজনক উদ্ধাৰ কৰি উন্নত চিকিৎসাৰ বাবে চিকিৎসালয়লৈ প্ৰেৰণ কৰে।
বৰ্তমান দুৰ্ঘটনাগ্ৰস্ত বাহন আৰক্ষীয়ে জব্দ কৰিছে আৰু ঘটনা সন্দৰ্ভত অধিক তদন্ত অব্যাহত ৰাখিছে।
মন্তব্যসমূহ
একটি মন্তব্য পোস্ট করুন