📌হিমন্ত চৰকাৰৰ প্ৰথম কেবিনেট কোনে পালে কি দায়িত্ব? ৰঞ্জিত দাস হ’ব নেকি নতুন অধ্যক্ষ?

অসম চৰকাৰৰ প্ৰথম কেবিনেট বৈঠক সম্পন্ন; ২১ মে'ৰ পৰা বিধানসভাৰ অধিৱেশন, ৰঞ্জিত দাস হ'ব অধ্যক্ষ পদৰ প্ৰাৰ্থী

গুৱাহাটী: নৱগঠিত অসম চৰকাৰৰ প্ৰথমখন কেবিনেট বৈঠক আজি গুৱাহাটীত সম্পন্ন হয়। মুখ্যমন্ত্রী ড০ হিমন্ত বিশ্ব শৰ্মাই বৈঠকৰ অন্তত সংবাদমেল যোগে জানিবলৈ দিয়ে যে চৰকাৰে আজিৰ পৰাই আনুষ্ঠানিকভাৱে দায়িত্ব গ্ৰহণ কৰিছে। যদিও এতিয়ালৈকে মন্ত্ৰীসকলৰ দপ্তৰ ঘোষণা কৰা হোৱা নাই, অতি সোনকালেই ইয়াক ৰাজহুৱা কৰা হ'ব বুলি তেওঁ জানিবলৈ দিয়ে। মুখ্যমন্ত্ৰীগৰাকীয়ে জনোৱা অনুসৰি, অহা ২১, ২২, ২৫ আৰু ২৬ মে'ত অসম বিধানসভাৰ এক বিশেষ অধিৱেশন অনুষ্ঠিত হ'ব। এই অধিৱেশনতে নৱ-নির্বাচিত বিধায়কসকলে শপত গ্ৰহণ কৰিব আৰু অসমৰ ৰাজ্যপাল জগদীশ মুখীয়ে সদনত ভাষণ আগবঢ়াব। বৈঠকত গ্ৰহণ কৰা আন এক গুৰুত্বপূর্ণ সিদ্ধান্ত অনুসৰি, জ্যেষ্ঠ বিধায়ক চন্দ্ৰমোহন পাটোৱাৰীক বিধানসভাৰ 'প্ৰটেম স্পীকাৰ' হিচাপে দায়িত্ব দিয়াৰ বাবে ৰাজ্য চৰকাৰে ইতিমধ্যে ৰাজ্যপালক অনুৰোধ জনাইছে। ইয়াৰোপৰি, এনডিএৰ তৰফৰ পৰা প্ৰাক্তন মন্ত্ৰী তথা বৰ্তমানৰ বিধায়ক ৰঞ্জিত দাসক বিধানসভাৰ অধ্যক্ষ পদৰ বাবে প্রার্থী হিচাপে মনোনীত কৰা হৈছে।